Rrëzohet avioni ukrainas me 180 pasagjerë në Iran, asnjë i mbijetuar

Një avion Boeing 737 me rreth 180 pasagjerë është rrëzuar në Iran dhe sipas mediave ndërkombëtare nuk ka asnjë që i ka shpëtuar këtij aksidenti fatal.

Avioni u rrëzua menjëherë pas ngritjes nga aeroporti Imam Khomeini në Teheran të mërkurën në orët e para të mëngjesit, sipas orës lokale.

Shumica e pasagjerëve të udhëtimit Ukraine International Airlines vdiqën, tha Pirhossein Koulivand, kreu i Shërbimeve Mjekësore të Iranit për Emergjencën.

“Ekipet e emergjencës janë dërguar në vendin e ngjarjes por e kanë pamundur të veprojnë për shkak të dëmtimit të zonës”- tha Koulivand për IRINN, një media e drejtuar nga shteti.

ISNA raporton se rrëzimi i avionit erdhi për shkak të problemeve teknike.